ఊహించలేదు.. వీడియో చూసి ఏడ్చా: రష్మిక

Article

‘ఛలో’ సినిమాతో కథానాయికగా తెలుగు ప్రేక్షకులకు పరిచయమైన ముద్దుగుమ్మ రష్మిక. తర్వాత ‘గీత గోవిందం’లో కనిపించిన ఈ భామకు కుర్రకారులో విపరీతమైన క్రేజ్‌ ఏర్పడింది. ఈ సినిమాకు ఉత్తమ నటిగా రష్మిక ఇటీవల ‘జీ సినిమా’ అవార్డు అందుకున్నారు. ఈ నేపథ్యంలో అభిమానులు రష్మిక కోసం ఓ ప్రత్యేకమైన వీడియోను రూపొందించారు. ‘గీత గోవిందం’ ఆడియో ఫంక్షన్‌ వీడియోను, ఓ ఇంటర్వ్యూ వీడియోను, సినిమాలో ఆమె స్టిల్స్‌ను కలిపి దీన్ని రూపొందించారు. ఈ వీడియోను రష్మిక ఫ్యాన్స్‌ ట్విటర్‌లో షేర్‌ చేస్తూ ఆమెకు ట్యాగ్‌ చేశారు. దీన్ని చూసిన ఆమె భావోద్వేగానికి గురయ్యారు.

‘నేను ఏ మాత్రం ఊహించలేదు. ఈ ఎడిట్‌ చూస్తున్నప్పుడు ఏడ్చేశాను. ఏం చేశానని ఇంత ప్రేమకు నేను అర్హురాలినో తెలియదు కానీ.. మీలా ప్రోత్సహించే వారు నా చుట్టూ ఉన్నందుకు గర్వంగా ఉంది. నాకు చాలా ఆనందంగా ఉంది. కన్నీరు ఆగట్లేదు. ఐ లవ్‌ యు సో మచ్‌ గాయ్స్‌’ అని రష్మిక ట్వీట్‌ చేశారు.

రష్మిక ‘దేవదాస్‌’ సినిమాతో గత ఏడాది సెప్టెంబరులో హిట్‌ అందుకున్నారు. ప్రస్తుతం ఆమె ‘డియర్‌ కామ్రేడ్‌’ చిత్రంలో విజయ్‌ దేవరకొండ సరసన నటిస్తున్నారు. భరత్‌ కమ్మ దర్శకత్వం వహిస్తున్న ఈ సినిమాను యశ్‌ రంగినేని నిర్మిస్తున్నారు. జస్టిన్‌ ప్రభాకరన్‌ సంగీతం అందిస్తున్నారు. మరోపక్క రష్మిక కన్నడలో రెండు సినిమాల్లో నటిస్తున్నారు.

Prev వినయ విధేయ రామ సినిమాఫై స్వామిజీ కామెంట్స్
Next మిస్టర్‌ మజ్ను ప్రీ రిలీజ్‌ కు చీఫ్ గెస్ట్ గా Jr.ఎన్టీఆర్
 

0 Comments

Write a comment ...
Post comment
Cancel
    Please submit your comments.