కుక్కలే ముఖ్యం.. భర్తను ఇంటి నుంచి గెంటేసిన ఇల్లాలు!

Article
‘‘నేను కావాలా.. ఆ కుక్కలు కావాలా తేల్చుకో’’ అన్న భర్తకు ఆ మహిళ ఝలక్ ఇచ్చింది. ‘‘పోతే.. పో.. నీకంటే ఈ కుక్కలే బెటర్’’ అంటూ అతనికి గుడ్‌బై చెప్పి.. వాటితోనే జీవిస్తోంది. ఇంగ్లాండ్‌లోని బ్రన్హమ్‌కు చెందిన లిజ్‌కు కుక్కలంటే ప్రాణం. చిన్నప్పటి నుంచి ఆమె వాటితోనే పెరిగింది. ఆమె తండ్రి పశువుల ఆహారాన్ని అమ్మేవారు. లిజ్ 16 ఏళ్ల వయస్సులోనే భర్త మైక్ హస్లమ్‌ ప్రేమలో పడింది. అతని కోసం తల్లిదండ్రులను కూడా వదిలేసింది. 1991లో లిజ్, మైక్‌లు వివాహం చేసుకుంది. వీరికి 22 ఏళ్ల కొడుకు కూడా ఉన్నాడు. ఏడేళ్ల కిందట ఈ జంట బ్రన్హంలోని కొనుగోలు చేసిన డబుల్ బెడ్రూమ్ ఇంటికి షిఫ్ట్ అయ్యారు. అక్కడ ఆమె కుక్క పిల్లల బిజినెస్ మొదలుపెట్టింది. మొదట్లో ఒకటి రెండు కుక్కలు ఉన్నా.. మైక్ పెద్దగా పట్టించుకోలేదు. ఆ తర్వాత లిజ్ రకరకలా కుక్క పిల్లలను కలెక్ట్ చేయడం మొదలుపెట్టింది. అలా 30 వరకు కుక్కలను సేకరించి ఇంట్లోనే పెంచుకునేది. ఆ కుక్కలు కూడా లిజ్‌ను వదిలిపెట్టేవి కావు. దీంతో విసుగెత్తిపోయిన భర్త మైక్.. ‘‘ఆ కుక్కలు కావాలో, నేను కావాలో తేల్చుకో’’ అంటూ లిజ్‌పై మండిపడ్డాడు. దీంతో ఆమె ‘‘నాకు కుక్కలే కావాలి.. వెళ్లి నీ బ్యాగ్ సద్దుకుని పో’’ అని సమాధానం ఇచ్చిందట. ఇక చేసేది లేక మైక్ ఇంటి నుంచి వెళ్లిపోయాడు. అయితే, మైక్ ఇల్లు వదిలి వెళ్లడంపై లిజ్ పెద్దగా బాధపడలేదు. పైగా, అతను తనని అర్థం చేసుకోలేకపోయాడంటూ వాపోయింది. ‘‘మైక్ ఎప్పుడూ ఆఫీసులో బిజీగా ఉండేవాడు. నాకు ఇంట్లో ఖాళీగా కూర్చొని ఉండటం ఇష్టం లేదు. దీంతో కుక్కులను తెచ్చుకున్నా. కానీ, మైక్‌కు అది ఇష్టం ఉండేది కాదు. జీవితంలో చేయాలనుకుంటే చాలా ఉన్నాయని, కుక్కలనే పెంచుకోవక్కర్లేదని అనేవాడు. పెళ్లికి ముందు నుంచి నా గురించి, నాకు అలవాట్లు, ఇష్టాయిష్టాల గురించి మైక్‌కు తెలుసు. కుక్కలతో నాకు ఎంతో మంచి అనుబంధం ఉంది. అవి కూడా నన్ను అమ్మలా భావిస్తాయి’’ అని లిజ్ తెలిపింది. మరి, లిజ్ చేసిన పనిని మీరు సమర్దిస్తారా? కుక్కల కోసం పాతికేళ్ల బంధాన్ని వదులుకోవడంపై మీ అభిప్రాయం ఏమిటీ?
Prev 21 ఏళ్ల యువతిపై 10 మంది గ్యాంగ్‌ రేప్‌.. కారు నుంచి బయటకు లాగి
Next ఏరో ఇండియాలో భారీ అగ్నిప్రమాదం
 

0 Comments

Write a comment ...
Post comment
Cancel
    Please submit your comments.