ఎడమకాలికి గాయం.. కుడి కాలికి ఆపరేషన్‌!

Article

వైద్యులు తమ నిర్లక్ష్యంతో రోగులతో చెలగాటం ఆడుతున్నారు. నిమ్స్ వైద్యులు ఇటీవల ఓ మహిళా రోగి కడుపులో కత్తెర పెట్టి మరిచిపోయిన సంగతి తెలిసిందే. ఇది ఇంకా మరవక ముందే మరో నిర్లక్ష్యపు ఘటన వెలుగులోకి వచ్చింది. ఒడిశాలోని ఓ ఆసుపత్రిలో వైద్యులు ఎడమ కాలికి చేయాల్సిన వైద్యాన్ని కుడికాలికి చేసేశారు. పైగా, తాము చేసింది కరెక్టేనంటూ బుకాయించారు. వివరాల్లోకి వెళ్తే...

కియోంఝర్‌ జిల్లాలోని ఖాబిల్‌ గ్రామానికి చెందిన మితారాణి జేనా అనే మహిళ ప్రమాదంలో గాయపడింది. ఆమె ఎడమ కాలికి తీవ్ర గాయం కావడంతో వెంటనే ఆమెను సమీపంలోని ఆనంద్‌పూర్ ఆసుపత్రికి తరలించారు. బాధితురాలని పరీక్షించిన వైద్యులు ఆమెకు శస్త్ర చికిత్స చేయాలంటూ ఆపరేషన్ థియేటర్‌కు తీసుకెళ్లారు.

ఆపరేషన్ తర్వాత స్పృహలోకి వచ్చిన జెనా.. ఎడమ కాలికి చేయాల్సిన ఆపరేషన్‌ కుడికాలికి చేశారంటూ ఆమె కుటుంబ సభ్యుల వద్ద వాపోయింది. దీంతో వారు వైద్యులను నిలదీశారు. వైద్యుల నిర్లక్ష్యంపై నిరసన వ్యక్తం చేస్తూ ఆసుపత్రి ముందు ధర్నా చేశారు. పొరపాటుకు గల కారణాలు ఇంకా తెలియరాలేదు. వైద్యుల నిర్వాకం వల్ల జెనా ఇప్పుడు నడవలేక మంచానికే పరిమితమైంది.

Prev మోదీకి పాలించే అర్హతే లేదు: చంద్రబాబు
Next ఏరో ఇండియాలో భారీ అగ్నిప్రమాదం
 

0 Comments

Write a comment ...
Post comment
Cancel
    Please submit your comments.