ఆంధ్రప్రదేశ్‌ ముఖ్యమంత్రి, జననేత వైఎస్‌ జగన్‌మోహన్‌రెడ్డికి తెలంగాణలోనూ అభిమానులున్నారు. ఆయన వీరాభిమాని ఒకరు తన కుమార్తె పెళ్లి వేడుకలో భారీ ఎల్‌ఈడీ టీవీలు ఏర్పాటు చేసి వైఎస్‌ జగన్ ప్రమాణ స్వీకార కార్యక్రమం వీక్షించే అవకాశం కల్పించారు. సూర్యాపేట జిల్లాలోని హుజూర్‌నగర్‌లో ఈ విశేషం చోటుచేసుకుంది. వైఎస్‌ జగన్ వీరాభిమాని ఇంద్రారెడ్డి కూతురు వివాహం గురువారం జరిగింది. పెళ్లి వేడుకకు వచ్చిన వారికి వైఎస్‌ జగన్ ప్రమాణ స్వీకార కార్యక్రమాన్ని వీక్షించేందుకు అవకాశం కల్పించారు. పెళ్లికి వచ్చిన బంధువులు.. ప్రమాణ స్వీకార కార్యక్రమ ప్రత్యక్షప్రసారం చూసి ఆనందించారు. వధూవరులను ఆశీర్వదించారు. కాగా గతవారం లోక్‌ సభ ఎన్నికల ఫలితాల సందర్భంగా కూడా పెద్దపల్లి జిల్లాలోనూ ఓ వివాహ వేడుకలో ఫలితాలు వీక్షించేందుకు ప్రత్యేకంగా టీవీలు ఏర్పాటు చేసిన విషయం తెలిసిందే.
© Copyright 2018-19. All rights reserved. TimesofAP
Please submit your comments.